საიტების კატალოგი არის სტრუქტურირებულად დალაგებული საიტების ლინკების ნაკრები, რომლებიც საიტის შიგნით დალაგებულია თემატიკის (სპორტი, NEWS, პრესა, ფილმები, მედიცინა და სხვა) მიხედვით, ასევე შესაძლოა რანგირებული იყოს სხვადასხვა პარამეტრის მიხედვით, მაგალითად: საიტის პოპულარობის, ვიზიტორების რაოდენობის, ალფავიტის ან საიტზე დამატების თარიღის მიხედვით. ეს ერთ-ერთი ყველაზე ძველი ინტერნეტის სერვისია
სატი, იგივე ვებ-საიტი (web-site: web-<<ობობა, ქსელი>> და site ადგილი, სიტყვასიტყვით <<ადგილი, სეგმენტი ქსელში>>) ერთი ან რამდენიმე ერთმანეთთან ლოგიკურად დაკავშირებული ვებ-გვერდი, ასევე კონტენტის განსათავსებელი ადგილი. ჩვეულებრივი საიტი წარმოადგენს მონაცემთა მასივების ერთობლიობას სადაც თვითოეულს აქვს უნიკალური მისამართი და მომხმარებლისგან აღიქმება როგორც ერთი მთლიანი.
საიტის გვერდები ეს არის ტექსტური ფაილების ნაკრები, რომლებიც მუშავდება ბრაუზერში და ჩამოიტვირთება ვიზიტორის კომპიუტერში და აისახება მონიტორზე.
HTML ენა იძლევა ტექსტის დაფორმატების საშუალებას, რომ განასხვავდებოდნენ მასში ფუნქციური ელემენტები, შეიქმნას ჰიპერტექსტური ბმულები და ჩაისვას ასახულ გვერდში სურათები, ხმოვანი ჩანაწერები და სხვა მულტიმედიური ელემენტები. გვერდის გარეგნული სახე შეიძლება შეიცვალოს CSS ენის სტილების დამატებით, რაც საშუალებას იძლევა განსაზღვრულ ფაილში ცენტრალიზებულად თავმოყრილი იყოს ყველა დაფორმატების ელემენტი (ზომა, ფერი, ტიპი და სხვას.)
საიტი ასევე შესაძლებელია შეიცავდეს ქვეგანყოფილებებს, მთლიანად ორიენტირებულს ამა თუ იმ აუდიტორიაზე, ასეთ ქვეგანყოფილებებს უწოდებენ საიტის ვერსიას. აუდიტორია შეიძლება განსხვავებული იყოს მოხმარებული მოწყობილობის სახეობებით ან ენობრივად, მაგალითისათვის ცნობილია ეგრეთ წოდებული საიტის მობილური ვერსია რაც განკუთვნილია საიტთან სმართფონით მუშაობისათვის. საიტს ასევე შეიძლება ჰქონდეს ენობრივი ვერსია (ქართული, ინგლისური, რუსული და სხვა).
ვებ-საიტი, როგორც ელექტრონული დოკუმენტების სისტემა შეიძლება ეკუთვნოდეს კერძო პირს ან ორგანიზაციას და იყოს ხელმისაწვდომი კომპიუტერულ სისტემაში დომენური სახელით და IP მისამართით. დომენური მისამართის გარდა საიტს ასევე აქვს სახელი და წარმოადგენს ნამუშევარს, ამიტომ საავტორო უფლებები ვრელდება მასზეც როგორც ყველა ნამუშევარზე.
ყველა საიტი ერთობლიობაში წარმოადგენს მსოფლიო გლობალურ ქსელს, რომელიც მსოფლიო საინფორმაციო სეგმენტებს აერთიანებს ერთ მთლიანში და ქმნის მონაცემთა ბაზას პლანეტარული მასშტაბის კომუნიკაციისათვის. საიტებზე კლიენტების პირდაპირი ხელმისაწვდომობისათვის სპეციალურად შემუშავებული იქნა HTTP პროტოკოლი.
მსოფლიში პირველი საიტი info.com.ch გამოჩნდა 1991 წლის 6 აგვისტოს, ის შემქმნა ტიმ ბერნერს-ლიმ, და მასზე გამოაქვეყნა ახალი ტექნოლოგიის აღწერა World Wide Web დაფუძნებული HTTP მონაცემთა გადაცემის პროტოკოლის საფუძველზე, დამისამართების სისტემაზე URL, ასევე ჰიპერ ტექსტის მარკირების ენა HTML შესახებ. საიტზე ასევე იყო აღწერილი სერვერებისა და ბრაუზერების დაყენების და მუშაობის პრინციპები. სწორედ ეს საიტი გახდა პირველი ინტერნეტ-კატალოგი, რადგან მოგვიანებით ტიმ ბერნერს-ლიმ მასზე განათავსა სხვა საიტების ბმულების (ლინკების) სია.
კატალოგი არის სია რომელიც შეიცავს ინფორმაციას მასში შემავალი ობიექტების შესახებ და შედგენილია აღნიშნული ობიექტების გარკვეული ნიშნით ძიების გაადვილების მიზნით. კატალოგი შეიძლება იყოს უამრავი სახის მაგ: საიტების, წიგნების, კომპიუტერის ფაილების, მისამართების, ტანსაცმლის და ა.შ.
განვიხილოთ მოცემული საიტის მაგალითზე. საიტის გვერდები დალაგებულია თემატიკის მიხედვით და თითოეულ თემას გამოყოფილი აქვს ცალკეული გვერდი (სოციალური ქსელი, ელ-ფოსტა, ვიდეოპორტალი, ტოტალიზატორი, სპორტი, ფილმები, ჟურნალი, პრესა, მაღაზია, ამინდის პროგნოზი, მედიცინა და ბანკები), ხოლო თითოეულ გვერდზე საიტების ლინკები დალაგებულია რეიტინგულობის მიხედვით, რაც მნიშვნელოვნად აადვილებს სასურველი საიტის მოძებნას დროის უმოკლეს მონაკვეთში, მენიუდან ვირჩევთ სასურველ თემას და შემდეგ თემის შიგნით ვირჩევთ სასურველ საიტს მთავარ გვერდზე კი თავმოყრილია ყველა გვერდიდან შედარებით აქტუალური ლინკები.